ალბათ აქამდე არ გსმენიათ, რომ ფორთოხლისა და მანდარისის კანს დიასახლისებისთვის დიდი დახმარების გაწევა შეუძლია. ამ სტატიაში ჩვენ გასწავლით როგორ შეგიძლიათ გამოიყენოთ ეს ძალიან სასარგებლო და ძალიან არომატული ინგრედიენტი.
- წყლის წვეთებით გამოწვეული ლაქები
ყველა დიასახლისმა იცის, რომ წყლის წვეთები მეტალის ზედაპირზე ტოვებს ლაქებს. თუ გსურთ, რომ მაგალითად თქვენი ონკანი ან ნიჟარა სარკესავით კრიალებდეს გაწმინდეთ ის ციტრუსის კანით. ციტრუსის კანი შეიცავს ნატურალურ ზეთს, რომელიც ძალიან სასარგებლოა წყლისა და ქლორისგან გამოწვეული ლაქების წინააღმდეგ.
- ავეჯი
ციტრუსის კანით გაწმენდის შემთხვევაში თქვენი ხის ავეჯი სარკესავით პრიალა იქნება, ოღონდ გაწმინდეთ ციტრუსის კანის თეთრი მხრიდან.
- კერამიკული ფილების წმენდა
ციტრუსის კანით შესაძლებელია როგორც მეტალის ზედაპირის, ისე კერამიკული ფილების წარმატებით გასუფთავება. აქვე უნდა გაითვალისწინოთ, რომ ციტრუსის კანი აშორებს არა მხოლოდ ლაქებს, არამედ მისი გამოყენების შემდეგ ოთახში რჩება სასიამოვნო სურნელიც.
- უნივერსალური საწმენდი საშუალება
თუ თქვენი სურვილია, რომ სახლში ეკოლოგიურად სუფთა საწმენდი საშუალება გქონდეთ, ამისთვის საჭიროა ფორთოხლისა და მანდარინის კანი დააქუცმაცოთ, ჩაყაროთ ის წყლის საფრქვევში, ამის შემდეგ მოასხით მას თეთრი ძმარი და დატოვეთ მაცივარში ერთი კვირის განმავლობაში.
აუცილებლად შეანჯღრიეთ ხოლმე ჭურჭელი პერიოდულად. ამ საწმენდი საშუალებით შეგიძლიათა სევე გაწმინდოთ მაცივარი, მინები, იატაკი, ფანჯრები და კერამიკული ფილები.
- მწერებისგან დასაცავი საშუალება
აქვე უნდა იცოდეთ, რომ ციტრუსი შეიცავს ლიმონინს, რომლის სუნსაც ვერ იტანენ ბუზები, ჭიანჭველები და კოღოები. ამიტომ გირჩევთ, რომ გახეხოთ ციტრუსის კანი სახეხზე ან ბლენდერის გამოყენებით და ის მოათავსეთ მწერების თავშეყრის ადგილას.
- სასიამოვნო სუნი
ციტრუსში შემავალი არომატული ზეთი სახლიდან გააქრობს ყველანაირ უსიამოვნო სუნს. გარდა ამისა გაითვალისწინეთ, რომ ციტრუსის საწმენდ საშუალებად გამოყენება ბევრად უფრო უვნებელია ვიდრე სხვადასხვა ქიმიური არომატიზატორები. ამისთვის გირჩევთ, რომ გამხმარი, დაქუცმაცებული ციტრუსის ნაჭრები ჩააწყოთ პატარა ტომსიკებში და მოათავსეთ იმ ადგილებში სადაც გსურთ სასიამოვნო სუნი იყოს. მათ შორის კარადაში ან ფეხსაცმლისა და ტანსაცმლის კარადებში.
- გაქვავებლი მარილის, სოდის ან შაქრის წინააღმდეგ
იმ შემთხვევაში თუ ნარილი, სოდა ან შაქარი გაქვავდა ჭურჭელში რამდენიმე საათით ციტრუსის კანი ჩადეთ და ამ კანში შემავალი პროდუქტები გაქვავებულ პროდუქტებს დაარბილებს და პირვანდელ სახეს დაუბრუნებს.
- ციტრუსის კანით დამზადებული სკრაბი
ფორთოხლისა და მანდარინის კანით შესაძლებელია კანის ბუნებრივი სკრაბის დამზადება. ამისთვის საჭიროა აიღოთ ახალი ცედრა, ამის შემდეგ დააქუცმაცოთ ბლენდერში და შეიზილოთ კანზე წრიულად. გააჩერეთ რამდენიმე წუთით და შემდეგ ჩამოიბანეთ. გახსოვდეთ, რომ ციტრუსი შეიცავს უამრავ ვიტამინს, რომელიც გამოაცოცხლებს თქვენს კანს.
