13 წლის ლუისი ნელი და გააზრებული ნაბიჯებით კვეთს ბილიკს. დილით ადრე ადგა, თვალები საოცრად უბრწყინავს. მამის გვერდით მიაბიჯებს. ახალზელანდიელი ლუის კორბეტი, მიუხედავად იმისა, რომ ერთი შეხედვით ჩვეულებრივი ბიჭია, ბევრი თანატოლისგან განსხვავდება.
ლუისს მძიმე დაავადება აქვს: მისი მხედველობა მხოლოდ 50%-ია, რამდენიმე თვეში კი საერთოდ დაბრმავდება. ამიტომ მშობლები ახლა უჩვენებენ მთელ სამყაროს, რასაც შეძლებენ და მოასწრებენ. ლუისმა უკვე იმოგზაურა რომში, ბოსტონში, გრანდ-კანიონზე. ვერტმფრენით გადაუფრინა ნიაგარის ჩანჩქერს.
“ძალიან გვინდა, მისი სამყარო დაუვიწყარი შთაბეჭდილებებით და სურათებით შევავსოთ, როგორც შევძლებთ”, – ამბობს ლუისის დედა კატერინა კორბეტი.
ლუისს პიგმენტური რეტინიტი აქვს – თვალის დაავადება, რომელიც სხვადასხვა გენეტიკური დეფექტით არის გამოწვეული და თვალის ბადურის კვდომას იწვევს…
თუმცა ახლა თვალუწვდენელ მთებსა და კლდეებს შეჰყურებს და მშვენიერი ლანდშაფტებით ტკბება. მის გვერდით უსინათლო პროფესიონალი მთამსვლელი ენდი ჰოლცერია.
პიგმენტური რეტინიტი მემკვიდრული დაავადებაა, რომლითაც მსოფლიოში დაახლოებით 3 მილიონი ადამიანი იტანჯება. ლუისის ორი ძმაც დაავადებულია, თუმცა მათი დაავადება ასე არ პროგრესირებს, როგორც მათი უმცროსი ძმის. მათ არც გართულებები აქვთ.
შარშან ლუისის მხედველობა მკვეთრად გაუარესდა. რამდენიმე თვეში მთელი 50%-ით დაკარგა მხედველობა. “სკოლაში უცებ ვერ ამოვიკითხე, რაც დაფაზე ეწერა, მხოლოდ გადღაბნილ ასოებს ვხედავდი”, – იხსენებს ლუისი. ეს შოკი იყო მისთვისაც და მისი მშობლებისთვისაც. ერთ დროს მხიარული ლუისი უცებ ჩაიკეტა, სულ
უფრო ხშირად განმარტოვდებოდა თავის ოთახში და ღამ-ღამობით ტიროდა ბალიშში თავჩარგული.
დედამაც ბევრი იტირა, მერე კი ტირილს მეტი ფიქრი მოჰყვა და გამოსავლის ძიება. ჰოდა, მოუვიდა თავში აზრად, “საოცნებო მოგზაურობა ლუისისთვის”. “მინდოდა, რომ ლუისს ბევრი კარგი შთაბეჭდილება დაეგროვებინა და ასევე გამოცდილება, რომ შემდგომშიც მამაცი, ცნობისმოყვარე იყოს და თავისი საკუთარი სამყაროს აღმოჩენა მერეც განაგრძოს”, – ამბობს დედა.
ასე შეიმუშავეს მშობლებმა გეგმა. შვილსაც გააცნეს იდეა და ის ადგილებიც დაგეგმეს, სადაც უკეთესი იქნებოდა გამგზავრება.
ლუისს გეგმა მოეწონა, მაგრამ ეს მოგზაურობა ძალიან ძვირი ჯდებოდა. მისი მშობლები მცირე ბიზნესს მისდევდნენ, ფარმაცევტები არიან. თუმცა ასეთი ძვირად ღირებული მოგზაურობა მათთვის არ იყო ხელმისაწვდომი, ამიტომ თავიანთი პროექტის შესახებ მეზობლებსაც უამბეს და ისინიც დაეხმარნენ.
ერთმა ემზობელმა, რომელიც ერთ-ერთი ბოსტონური ფირმის თავმჯდომარეა, ბიჭს ბილეთი აჩუქა ლეგენდარულ საკალათბურთო მატჩზე, რომელსაც ბოსტონური გუნდი ატარებდა. ლუისი კალათბურთის თავგამოდებული ფანია და აღტაცებული დარჩა ამ საჩუქრით.
მარტში ლუისი, მისი ძმა ჯერომი და მამა ტიმი ნიუ-იორკში იმყოფებოდნენ, მისი ღირსშესანიშნაობები მოინახულეს. ბოლო თვეებში ლუისმა ბევრი რამ ნახა. ამბობს, რომ ყველაზე მეტად რომი მოეწონა და განსაკუთრებით, წმინდა პეტრეს ტაძარი. საერთოდაც, ყველაზე მეტად იტალიით, მისი არქიტექტურითა და საკვებით მოიხიბლა.
ოცნებობს, არქიტექტორი გახდეს, მიუხედავად იმისა, რომ თვალისჩინს დაკარგავს. ამ ყველაფრის შემდეგ ლუისს სკერა, რომ თუ ძალიან მოინდომებს, ყველაფერი გამოვა.
გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში…
