უცნაური ქალაქი, სახელად ტიკსი, იაკუტიაში მდებარეობს. ზამთრის მოახლოებისთანავე, ადამიანები აქედან უკანმოუხედავად გარბიან, რათა იქ აღარასოდეს დაბრუნდნენ. იანვარში ტიკსიში ჰაერის ტემპერატურა -37 გრადუსის ფარგლებშია, ხოლო ივლისსა და აგვისტოში, ანუ წელიწადის ყველაზე ცხელ დროს, +7 გრადუსს არ აღემატება.
ტიკსიში ზამთარი სექტემბრის პირველ ნახევარში დგება და ივნისის შუა რიცხვებამდე გრძელდება.
ქალაქში თოვლის საფარი ხშირად რეკორდულ სიმაღლეს აღწევს და ტონობით თოვლის გატანაა საჭირო, რომ ადამიანებმა სახლებიდან გამოაღწიონ.
2013 წლის თებერვალი ტიკსის არსებობის ისტორიაში ყველაზე ცივი აღმოჩნდა. ამ დროს ჰაერის ტემპერატურამ -39.2-დან -49.5 გრადუსს მიაღწია, თოვლის საფარის სიმაღლემ კი – ერთ მეტრს.
ქალაქში უამრავი ცარიელი სახლია და ნებისმიერ მსურველს შეუძლია, ბინა უფასოდ მიიღოს, თუმცა აქ ცხოვრება არავის უნდა.
ღამით, თოვლში ჩაძირული სახლების ფანჯრებიდან გამოსული შუქით მიხვდებით, რომ ამ ღვთისგან დავიწყებულ ადგილზე ჯერჯერობით კიდევ არიან ადამიანები.
როცა ცუდ ამინდსა და სიცივეებზე წუწუნს დაიწყებთ, გაიხსენეთ, რომ არსებობს ტიკსი – მარადიული ზამთრისა და სიცივის სამყარო.
გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში..
