ნიკოლოზ წულუკიძე მარჯანიშვილზე მომხდარი ემოციური შემთხვევის შესახებ წერს, რომელსაც თავად შეესწრო. როგორც წულუკიძე წერს, ბუშტების გამყიდველ ბებო ახალგაზრდების ყურადღებამ და სიკეთემ აატირა.
„ვფიქრობ დღევანდელი საღამო ამ მოხუცი ბებოსათვის დაუვიწყარი იქნება. იდგა მარჯანიშვილის მეტროს წინ იმ იმედით რომ მისგან ვინმე ბუშტებს შეიძენდა. რამდენიმე წუთში მასთან ახალგაზრდა გოგო ბიჭები მისცვივდნენ რაც კი ჰქონდა ხელში ბუშტები გამოართვეს სამჯერ მეტი ფული ჩაუთვალეს და სიხარულისგან ატირებული დატოვეს ეს ბებო.
2-3 წუთში კი სხვა გოგონები მივიდნენ ნაყინი და ტოსტერები მიართვეს გემრიელად ჩაკოცნეს და წამოვიდნენ. არც კი იჯერებდა სიხარულისგან ატირებული ბებო ამ ამბავს.
გასაოცარი სანახობა იყო თითქოს ყველას უნდოდა რამით დახმარებოდნენ მას…მე კი ვიჯექი ჩემთვის და ვფიქრობდი როგორი დიდი ბედნიერების მინიჭება შეუძლია ადამიანისთვის სიკეთის კეთებას.
სასიხარულოა რომ ჩვენს ქვეყანას სიკეთით სავსე მომავალი თაობა ეზრდება…“, – წერს ნიკოლოზ წულუკიძე facebook-ის პირად გვერდზე.
გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში…
