გერმანიაში მცხოვრები ქართველი ემიგრანტი, ნინო მოზესი (Nino Moses) ტელეწამყვან ნიკოლოზ წულუკიძის ოჯახში დატრიალებულ ტრაგედიას სოციალურ ქსელში ეხმაურება:
“ტყუპები რომ მეყოლა, პირველი რაც გავაკეთე, აივანი გავხადე უსაფრთხო მთლიანად ავაკარი სქელი რკინის ბადე, დამცავი. ჰოდა ამის მიუხედავად, სახლშივე ესტერმა მაგიდა დაიმხო თავზე წვერით საფეთქელს აცდა მილიმეტრებით,
დღესაც შრამი აქვს მეც იქვე ვიყავი ოთახში.ყველაფერს ვერ გაითვალისწინებ, ყველგან დარაჯად ვერ დადგები შეეშვით იმ საბრალო მშობლებს, თავისი გაუსაძლისი ტკივილი ეყოფათ თუ ვერ ანუგეშებთ, გაჩუმდით მაინც”, – წერს ნინო მოზესი.შეგახსენებთ, რომ ტელეწამყვან ნიკოლოზ წულუკიძის მცირეწლოვანი შვილი 3 მაისს ტრაგიკულად დაიღუპა.
- ამავე თემაზე:
ჟურნალისტთა კავშირის პირველი პრემიის ლაურეატი, აკადემიკოსი, პუბლიცისტი – ნინო რეხვიაშვილი ტელეწამყვან ნიკოლოზ წულუკიძის ოჯახში მომხდარ ტრაგედიას ეხმაურება. ის მწუხარებას გამოთქვამს მომხდარის გამო და ნიკა წულუკიძის ტკივილს იზიარებს:
„ეს ოქროს კულულებიანი ბიჭი, ჯერაც, რომ ვერ გაეგო ცხოვრების ანა-ბანა, მხოლოდ მშობლების თვალით უყურებდა სამყაროს, დედამიწას თავის პაწაწინა ფეხების ნატერფალიც კი ვერ დაამჩნია..
მამას ზეციერში გამგზავრებამდე რამდენიმე დღით ადრე ტაატით ცისკენ რაღაცას ანიშნებდა.. ნიკა ვერ მიუხვდა სათქმელს..
თურმე თავის სამუდამო ადგილსამყოფელს აცნობდა და აი, რამდენიმე დღეში ეს ფრთიანი ანგელოზი მარადიულობაში გადასახლდა, უფალმა გულში ჩაიკრა, მშობლებს კი სამუდამო განსაცდელი მოუვლინა..
გული და სული წარსტაცათ.. ძნელია ნუგეში.. ღმერთო, გააძლებინე ჯერ კიდევ კიტას სითბოთი გაჯერებულ ოჯახს უმისობა.
მშვიდობით, პატარა ანგელოზო. რა ხანმოკლე ყოფილა შენგან სავალი.. შეწყვეტილი სიცოცხლე… სულის მარადიულობა… მშობლებს კი სამუდამო განსაცდელი.. .ღმერთმა შეაძლებინოს მათ ამ სიმძიმილის ზიდვა..“ – დაწერა ნინო რეხვიაშვილმა.
