„ახლა უნდა მოგიყვეთ ერთი ცოტა ძალიან უხერხულ-სულელური ამბავი და ამის მერე შეიძლება ხუთმა ადამიანმა ერთდროულად წამშალოს“. – წერს ნინო ახობაძე და პუბლიკას, ჩვეული სტილში, მორიგ პოზიტიურ ამბავს უზიარებს.
„მაინც მოვყვები! რა ვქნა აბა, დამღალა ამდენი ჭკვიანი ექსპერტების კითხვამ. მოკლედ, გვაქვს საერთო ჩატი
რამდენიმე ასეთში ვარ აქ გაჩხერილი, მაგრამ დღეს ერთ-ერთზე მომინდა გიამბოთ. აი, ორი ქალი ერთ “კუხნაში” რამხელა უბედურებაა, ხომ იცით და ექვსი ქალი ერთ ჩატში – კიდე უარესი ყოფილა!
იქ ირჩევა ყველაფერი, აი ყველაფერი! დაწყებული ომიდან, დამთავრებული ვინ რა სადილს ამზადებს დღეს! და წკაააპუნოობს ეს მესინჯერი, არ იღლება და ბოლოს ხმას რომ გამოვურთავ ხოლმე, მირეკავენ – ჩატში შემოიხედე ჩქარაო!
ახლა ამბავი: გუშინ საღამოს ერთ ასეთ ჩატში ერთი წერს:
“აუ გოგოებოო, ჩემმა მულმა ლიფი მაჩუქა, აი ძაან ლამაზი და სექსი, და პატარა მაქვს, გამახსენეთ რა, რომელს გაქვთ სამი ზომა მკერდი”?
პასუხები:
“აუ მეეე”
“მეეეც”
“მე გავსუქდი, მაგრამ მკერდი ისევ სამი მაქვს”
“მე ზომა არ ვიცი, მაგრამ ალბათ სამი”
“რა სამი, შენ „ვაბშე“ არა გაქვს ძუძუ, რას იტყუები ეხლაა”!
“რააა?? მე არა მააქვს??? შენ რომ იმშობიარე და მე რომ მთხოვდი ჩემსას მოაწოვეო, დაგავიწყდაა”??
“აუ მე ლიფს საერთოდ არ ვხმარობ, თქვენთვის დამითმიაა” (იყო ასეთი პასუხიც!)
მერე ლიფის პატრონს მოსთხოვეს, ჩაეგდო ფოტო
იმან თავის მხრივ იკითხა – ჩავიცვა თუ ისე გადავუღოვოო”??
საგიჟეთი! ატყდა ღლიცინი… და მოკლედ, ამას მოყვა სიცილ-ხორხოცი, ერთმა ნაგიჟარმა ჩააგდო უცებ ფოტო თავისი ლიფში გამოკვანცული მკერდის და ეს „ზა პიისიატ“ ქალები, ძირითადად ბაბუშკები – აფლეშმობდნენ! ეგრე არ ჰქვია ახლა? თუ რას ეძახიან, აი – ძუძუებს და ტრ@კებს რომ გამოფენს ერთდროულად ბევრი..
ნუ მერე ამას მოჰყვა სხვა ფოტოები, ყველამ თავისი გამოამზეურა. მოკლედ, ავიტაცეთ ეს სისულელე და ერთ-ერთი წერს უცებ “აუ გოგოებო, ჩაიდანი აკივლდა სამზარეულოში, უცებ გავიქცევი, გამოვრთავ, ჩემ ქმარს ყავას დავუსხამ და მოვალ და მეც ჩავაგდებ ფოტოს, გავშიშვლდები და სელფს გადავიღებო! – და წავიდა.
გასულა „კუხნაში“, იქ დახვდა ქმარი, რომელსაც ყავასთან ერთად თურმე მოშივდა და ცოლს სთხოვა – მე დავისხამ ყავას და შენ ბუტერბროდები მაინც გამიკეთე, სხვაზე არ შეგაწუხებო!
წამოვიდა მერე ეს ჩვენი სიძე ამ ყავის „კრუშკით“ ოთახში, სადაც დიდი სტაციონარული კომპიუტერი უდგათ, მიუჯდა ამ მაგიდას და ელოდება ცოლი როდის მოართმევს შეკვეთილ ბუტერბროდებს, რომ ჩაცეცხლოს!
ტიპი დაჯდა ბედნიერი სახით კომპთან, სადაც მთელ ეკრანზე გახსნილია ჩატი და ხედავს ამ თავისი ცოლის ერთ-ერთი კდემა დაქალი დგას ამაყად, წელს ზემოთ შიშველია და ხელი აქვს თავქვეშ ამოდებული! აბდულ-შაჰილივით!
კაცი გამოშტერდა თურმე, სულ არ აპირებდა, მაგრამ აუყვა ამ ჩატს და დაელამდა! წავიდა, სათვალე მოირგო, იფიქრა – მეჩვენებაო ალბათ და თან ამ დროს კითხულობს ეს ჩვენი დანარჩენი „პადრუგები“, რომ ითხოვენ ამის ცოლისგან: “აუუ ჩქარააა, ჩააგდე შეენც ფოტოო, გაიხადეე”!
ესეც ადგა და გვეკაიფება იქიდან, ჩვენ რა ვიცოდით ვინ წერდა..
და მერე უკვე, ეს ბიჭი ჰყვება – ე. ი. ისე ითხოვდნენ – სურათი გადაუღეო, ანაზდად ხელი შარვლისაკენ წავიღე, ხომ იყვნენ ღირსები, გამეხადა და მეც ჩამეგდოო ფოტო! თან თურმე, ის „ნაგლი“ – ამისი ცოლი რაა, ქმარი რომ ეძახდა სამზარეულოდან, აქედან გასძახოდა – მაცალე რაა, გოგოები უკრაინის ომზე ვლაპარაკობთ ჩატში და მოვალო რაა! და სანამ ჩაიდანი არ აკივლდა, იქამდე არ ასწია ერთი ადგილი.
ეს იცი რომელ გოგოზე ვყვები? ადრე რომ დავწერე, ვინმეს ვინმე რომ გარდაეცვლებოდა და ეგრევე ამ საერთო ჩატში განცხადებას რომ გამოაკრავდა ხოლმე, რომ გვზაფრავდა ქალი-ჰერმესი! პირველი ეს რომ იგებდა ვინმეს ყვავი ჩხიკვის მამიდა რომ გარდაეცვლებოდა და სამარშრუტო ტაქსებს რომ ქირაობდა რაიონში პანაშვიდზე ჩასასვლელად, ერთხელ ღამის სამზე რომ წამოგვყარა, ჩატში რომ დაწერა: “ადექით ჩქარა, რობინ უილიამსმა თავი მოიკლაო”! ღმერთო მაპატიე
ისე, აწი ცოტა ფრთხილად იყავით რა ვიცი, „მურტალია“ ეს საერთო ჩატი, ჯერ ექვსი ქალი რომ უზის და ახლა კიდე იმათი ქმრებიც თუ დაემატნენ.. (ეჰ როგორ მინდოდა ეს ამბავი ახლა ზუსტად ისე მომეყოლა, როგორც იყო, მაგრამ ათი გააფთრებული თვალი მისჩერებია ახლა ამ პოსტს და მეც მაქსიმალურად კორექტული ვიყავი.
გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში..
არ წამშალოთ! ნინო ვარ. “ – წერს ნინო ახობაძე.
