ცოტა ხნის წინ ფეისბუკ მომხმარებელმა გოჩა ხარჩილავამ საკუთარ გვერდზე პოსტი გამოაქვეყნა, რომელშიც განმარტებულია, რომ “საქართველოს ბანკში” კრედიტის დაფარვასთან დაკავშირებით, ინციდენტი მოუვიდა. მისივე პოსტიდან ირკვევა, რომ ბანკი, ბევრად მეტი თანხის გადახდას სთხოვდა, ვიდრე ეკუთვნოდა.
“საქართველოს ბანკმა, რაც დღეს იკადრა ლავროვის გარდა სხვა არავინ იკადრებდა:
ვიხდიდი კრედიტის თანხას კეთილსინდისიერად ყოველთვიურად 450 ლარის ოდენობით, ამ დილით დავურეკე საკრედიტო ოფიცერს კრედიტის გასანულებლად-ნაცვლად 1100 ლარისა მომთხოვა 2600 ლარი, ავიღე საბუთები და მივედი წერეთლის გამზირზე ერთ ერთ ფილიალში სადაც იგივე ციფრი მითხრეს და მაისის ნაცვლად სექტემბერი დამისახელეს, ახლაო აგიხსნით რატომ ასეო, შენო პანდემიის დროსო გაგეგზავნაო სმს სესხის გადავადების თაობაზეო, რომელზეცო პასუხი “უარი”არ მიგვიღიაო და ამიტომ 2600 ლარიო უნდა გადაიხადოო.
ჩემს შეკითხვაზე სად მიდიოდა ჩემი თანხა? ჩვენთანო, აბა რას მერჩით მეთქი თქვე “გველზე დამყნილო მორიელებო” თქო, სასამართლოში(ვიცნობ ამ სასამართლოს) გვიჩივლეო, ხმაურზე მენეჯერიც მოვიდა და 1465 ლარად გამინულეს, მომკალით და ვერ ვხვდები ციფრები ასე როგორ გალახეს?
ეს პუტინმა და ლავროვმა რომ გაიგონ, მერე ნახეთ მათი სირბილი კვალიფიკაციის ასამაღლებლად საქართველოს ბანკში… მელანი გამითავდა”,- წერს, გოჩა ხარჩილავა.
გთხოვთ გაგვიზიარეთ თქვენი აზრი კომენტარებში..
