ეს საკმაოდ უცნაური და ალბათ მსოფლიოში ყველაზე უჩვეულო სასაფლოა რუმინეთის ერთ-ერთი სოფელში სეპინიცაშია. სასაფლაოს ადგილობრივები „ჩიმიტურალ ვესელს“ უწოდებენ. ის განსაკუთრებული იმით არის, რომ საფლავის ქვებზე, გადრაცვლილების ჩვეულებრივი ფოტოების ნაცვლად გამოსახულია კომიქსები, რომელიც აღწერს მათი გარდაცვალების მიზეზს.
მათ შორის შეხვდებით: ადამიანის ფოტოს რომელსაც მანქანა ეჯახება, ფოტოს, რომელზეც ადამიანი ხიდან ვარდება, ადამიანებს საავადმყოფოში ან ადამიანს, რომელსაც მგელი ჭამს.
ფოტოს გარდა საფლავის ქვაზე წერია სხვადასხვა იუმორისტული ტექსტები, რომელშიც დაღუპულის გარდაცვალების ნებისმიერი მიზეზი საკმაოდ გაშარჟებულია.
აღნიშნული ტიპის საფლავის ქვები სოფელში პირველად წინა საუკუნის ოცდაათიან წლებში გამოჩნდა, მას შემდეგ რაც ერთ-ერთმა ადგილობრივმა მცხოვრებმა სახელად სტან პეტრაშმა საფლავის ქვების ხის ორნამენტებით შემკობა და სხვადასხვა სახი სახალისო ტექსტების დაწერა დაიწყო.
პეტრაშ დურგალი იყო. ის საკუთარ „შემოქმედებაში“ ძირითადად 4 ფერს იყენებდა. შავი წარმოადგენდა სიკვდილის ფერს, მწვანე სიცოცხლის, ყვითელი ნაყოფიერებისა ხოლო წითელი ვნების ფერს.
დღეისათვის სასაფლაოზე 800 ზე მეტი საფლავია და ყველა მათგანი ერთ სტილში, სახალისო ილუსტრაციებითა და სასაცილო წარწერებით არის წარმოდგენილი. სოფლის სასაფლაოზე ვერ ნახავთ ქვას, რომელზეც შესაძლებელია ეწეროს: მშვიდად განისვენე ან რამე მსგავსი წარწერა.
ამ სასაფლაოს წყალობით ამ სოფელში ყოვეთვიურად ასობით ტურისტი ჩადის, რის გამოც სოფელში გაიხსნა სასტუმროები, რესტორნელი, მაღაზიები და ა.შ. სოფელთან ახლოს არსებობს სპეციალური ტურისტული ბაზრობა.
შესაბამისად, სეპენიცას ეს პატარა სასაფლაო და იქ დაკრძალული ადამიანები სოფლის ცოცხალ მაცოვრებლებს „ინახავენ“.
გარდა ამისა, სასაფლაოზე შესვლა ტურისტებისთვის ფასიანი და თუ ტურისტს საფლავებისთვის ფოტოების გადაღებაც სურს, ამისთვის დამატებით უნდა გადაიხადოს.
თუმცა უნდა ითქვას, რომ ამ სოფელში ფულის დახარჯვას არვინ ერიდება, რადგან მიუხედავად იმისა, რომ ფულს სასაფლაოს ნახვაში ხარჯავენ, ყველა ტურისტი იქ სახალისო ნახატებისა და ორნამენტების დათვალოერებაში საათებს ატარებს და შემოქმედებითი ენერგიითა და იდეებით ივსევა.
