მოდელმა თიკო ჩხეიძემ მთელი დარბაზი აატირა გადაცემა პრაიმშოუში, მან თავის გარდაცვლილ 11 წლის ქალიშვილზე ისაუბრა. შეგახსენებთ, მოდელს და ფეხბურთელს, ნუკრი რევიშვილს რამდენიმე წლის წინ უბედური შემთხვევის შედეგად 11 წლის ქალიშვილი გარდაეცვალა.
“მე და ტატა ერთად აღარ ვართ, მაგრამ მეც მიხარია დედის დღე, რადგან ტატამ გამხადა დედა… მათ, ვისაც შვილი გარდაეცვალა, უნდა იბრძოლონ თავიანთი შვილებისთვის, თუ სხვა შვილებიც ჰყავთ და თუ არ ჰყავთ, უნდა იბრძოლონ იმ ადამიანებისთვის, ვისაც ისინი სჭირდება.
ცხოვრებას არ შეუშინდნენ და გააგრძელონ ცხოვრება, რადგან ბევრი ადამიანია გარშემო, ვისთვისაც მათი ღიმილი მნიშვნელოვანია… თუნდაც ის, რომ მე ფეხზე ვდგავარ, შესაძლოა, იყოს მაგალითი, რომ სხვა ფეხზე წამოდგეს და ცხოვრება გააგრძელოს…
ჩვენ ყველას გვაქვს ჩვენი ტკივილი და განსაცდელი. მე ხომ მყავდა შვილი… ახლა ორი შვილი მყავს, მაგრამ… დედებმა, რომელთაც მხოლოდ ერთი შვილი ჰყავდათ და აღარ ჰყავთ, ხომ იციან, რამხელა სიყვარულია ეს, რა არის დედობა, როგორია, როცა შვილი გყავს.
დედობა შვილის გარდაცვალებით არ მთავრდება. უნდა იცხოვრონ თავიანთი შვილებისთვის…”
