არსებობს სხვადასხვა ტიპის ტკიილები, რომელთა უგულებელყოფაც არ შეიძლება და რა დროსაც აუცილებლად უნდა მიმართოთ ექიმს. ექიმები გვირჩევენ, რომ ეს აუცილებლად გავითვალისწინოთ:
- ტკივილი მკერდის არეში
გაითვალისწინეთ, რომ მკერდის არეში ტკივილი ან უსიმოვნოდ მოჭერა შესაძლოა გულის შეტევის ნიშანს წარმოადგენდეს. მითუმეტეს თუ ამ ტკივილს თან ახლავს წნევის აწევა, გულისრევა ან სუნთქვის გახშირება. ეს სიმპტომები მიანიშნებს, რომ ექიმთან ვიზიტი აუცილებელია.
- წონის მკვეთრად დაკლება
იმ შემთხვევაში თუ წონა ძალიან მოკლე დროში 5%-ით ან მეტით შეგიმცირდებათ, ეს შეიძლება მიანიშნებდეს სერიოზულ დაავადებაზე. არის შემთხვევები, როდესაც ეს კიბოს სიმპტომია და ამიტომ, გაითვალისწინეთ ასეთ დროს ექიმთან სასწრაფო ვიზიტი აუცილებელია.
- კონცენტრაციის დაკარგვა, გონების დაბინდვა ან
კონცენტრაციის დაკარგვა ან/და გონების დაბინდვა შეიძლება წარმოადგენდეს ინსულტის ან ტვინში სისხლჩაქცევის ნიშნებს.
ამასთან, ეს სიმპტომები შესაძლოა მიანიშნებდეს რაიმე ინფექციაზე ან სისხლში შაქრის დონის დაწევაზე.
- ძლიერი ტკივილი თავის არეში
იმ შემთხვევაში თუ მოულოდნელად თავი ძლიერად და უცნაურად აგტკივდათ, აუცილებელია ექიმთან ვიზიტი. ეს სიმპტომები შეიძლება წნევის ძლიერ აწევაზე, მენინგიტზე ან ანევრიზმაზე მიუთითებდეს.
- ჰაერის უკმარისობა
იმ შემთხვევაში თუ სუნთქვის უკმარისობა მშვიდად ყოფნის დროსაც გაწუხებთ ეს ექიმთან ვიზიტის საჭიროების ერთ-ერთი ნიშანია. ეს სიმპტომი შეიძლება უკავშირდებოდეს სისხლძარღვების ან სასუნთქი გზების პრობლემებს.
- ტემპერატურის მატება
იმ შემთხვევაში თუ გარკვეული პერიოდის განმავლობაში ტემპერატურის მატებას ამჩნევთ აუციელბელია, რომ ექიმს მიაკითხოთ. ეს სიმპტომები შეიძლება მიანიშნებდეს მენინგიტზე, სხვადასხვა ინფექციაზე ან ლიმფომაზე.
- მუდმივი დაღლილობის გრძნობა
პერიოდულად დაღლილობის გრძნობა ყველა ადამიანს აწუხებს, მაგრამ თუ მსგავს გრძნობას მუდმივად განიცდით აუცილებლად მიმართეთ ექიმს. მუდმივი დაღლილობა შესაძლოა კიბოს, დეპრესიის ან ანემიის სიმპტომებს წარმოადგენდეს.
- ტკივილი თირკმლის არეში
იმ შემთხვევაში თუ თირკმლის არეში მძაფრი, გამჭოლი ტკივილები გაქვთ აუცილებელია ექიმთან ვიზიტი.ეს სიმპტომი შეიძლება იყოს აპენდიქსის, თირკმელში კენჭის, კუდუსუნის მოტეხილობის ან თიაქარის სიმპტომი.
- გახშირებული შარდვა
თუ ამჩნევთ, რომ შარდვის მოთხოვნილება ჩვეულებრივზე ხშირია აუცილებლად გაიარეთ კონსულტაცია ექიმთან. ხშირი შარდვა ხშირ შემთხვევაში სხვადასხვა დაავადებების სიმპტომია.
გთხოვთ მოიწონეთ და გააზიარეთ სტატია, ასევე გაგვიზიარეთ თქვენი აზრი კომენტარებში.
