თამთა გოდუაძე 1981 წლის 10 იანვარს თბილისში დაიბადა, 5 წლის ასაკიდან დაიწყო სიმღერა, 6 წლის განმავლობაში მღეროდა ბავშვთა გუნდში, პარალელურად გაკვეთილებს გადიოდა საბალეტო სკოლაში. 14 წლის ასაკში დაფეხმძიმდა და შვილიც გააჩინა – გოგონა. შემდეგ უცხო ენათა ინსტიტუტში ჩაირიცხა, რუსულ და ინგლისურ ენებს სწავლობდა.
მარტოხელა დედა იყო და მატერიალური უზრუნველყოფა სჭირდებოდა.
საბერძნეთში იმ პერიოდში იწყებოდა შოუ „სუპერ აიდოლ“, დამწყები ვოკალისტების კონკურსი. პროექტში თამთამ ფინალამდე მიაღწია და მეორე ადგილი დაიკავა. ეს წარმატება ტრამპლინი აღმოჩნდა მისთვის შოუბიზნესის სამყაროში.
მას მერე თამთამ არაერთი სიმღერა, ალბომი გამოუშვა და პოპულარული მომღერალია. ბერძნებს ის ძალიან უყვართ.
დღეს სწორედ მის შესახებ გიამბობთ. თამთა ჟურნალისტებთან საუბარს პირად თემებზე ერიდება, თუმცა ყველამ იცის რომ მისი გული მილიარდერ პერისს ეკუთვნის.
- პირველი ქმარი
ის ბიზნესმენი შმაგი ხაჭვანია. ერთ-ერთ ინტერვიუში შმაგი ამბობდა, რომ თამთა 14 წლის იყო, თვითონ კი 16 წლის, როდესაც ერთმანეთი გაიცნეს. ექვსთვიანი შეყვარებულობის შემდგომ ისინი გაიპარნენ და ექვსი წელი ცხოვრობდნენ ერთად. თამთა კი მედიასთან საუბრისას აღნიშნავს, რომ ის შმაგიმ მოიტაცა.
- თამთა და გიორგი გაბუნია
ინტერვიუ გიორგი გაბუნიასთან:
– თამთასთან დაკავშირებით თქვი, რომ თქვენ შორის არსებული ურთიერთობა კოლეგიალობაზე მეტია. რას გულისხმობდი?
– ეს ვთქვი იმიტომ, რომ ასეა. ვერ ვიტყვი, რომ, უბრალოდ, კოლეგები ვართ. მაგალითად, მე და სოფო მხოლოდ კოლეგები ვართ, მე და თამთას კი კიდევ ცოტა სხვანაირი ურთიერთობა გვაქვს.
– არსებობენ კოლეგები, მეგობრები, შეყვარებულები და ასე შემდეგ. თქვენი „სხვანაირი“ ურთიერთობა რას გულისხმობს?
– გაინტერესებს, შეყვარებულები ვართ თუ არა სინამდვილეში? არ მინდა, რომ ამას კონკრეტული სახელი დავარქვა. იმიტომ, რომ ერთი სიტყვით ვერ აღწერ ურთიერთობას. მოდი, ასე ვთქვათ – შეყვარებულები არ ვართ – რაც ყველაზე მეტად აინტერესებს მაყურებელს, მაგრამ, უფრო მეტი ვართ, ვიდრე რიგითი თანამშრომლები. თუმცა, ეს არ ნიშნავს, რომ დაქორწინებას ვაპირებთ.
– იმასაც ამბობენ, კარგი წყვილიაო.
– კარგი წყვილი არის, კი, მეც მომწონს.
- თამთა და პერისი
თამთა გოდუაძემ ცხოვრება ერთ-ერთ ყველაზე გავლენიან ბერძენ ბიზნესმენს დაუკავშირა. ბერძნული პრესა აქტიურად განიხილავს წყვილის პირად ცხოვრებას – როგორც ერთად, ასევე ცალ-ცალკე. თუმცა, მათი ერთობლივი პაპარაცული ფოტოები საზოგადოებაში დიდ ხმაურს იწვევს.
თამთა გოდუაძის პარტნიორი პერის კასიდოკოსტას-ლაცისია.
პერისი 38 წლისაა და მულტიმილიონერი ბიზნესმენის შვილიშვილია. მის მფლობელობაშია ნავთობის, გადაზიდვებისა და კინოპროდიუსინგის კომპანიები.
ურთიერთობას თამთა საგულდაგულოდ მალავდა, თუმცა წყვილი ერთმანეთს იმდენად უხდება, რომ პაპარაცები უახლესი ფოტოების გაზიარებას ვერ წყვეტდნენ. 2015 წლიდან დღემდე წყვილი ერთად ცხოვრობს.
- რთული წარსული
თამთამ ემიგრანტ დედასა და მცირეწლოვან ქალიშვილთან ერთად რთული პერიოდი გაიარა. წლებია საბერძნეთში მოღვაწეობს და ბერძნული შოუბიზნესის გამორჩეული ვარსკვლავია. ქართველების უმეტესობამ მის შესახებ რამდენიმე წლის წინ გაიგო, როცა „რუსთავი 2“-ის მოწვევით შოუ „X ფაქტორის“ ჟიურის წევრი გახდა. როგორც ცნობილია, თამთა წლების წინ დედასა და პატარა შვილთან ერთად საბერძნეთში წავიდა ემიგრაციაში.
დედამისი დარეჯან ბუცხრიკიძე მუხლჩაუხრელად შრომობდა, რომ მის ოჯახს არაფერი მოკლებოდა და თამთას წარმატებული კარიერა აეწყო. „ხან ძიძად მუშაობდა, ხან მოახლედ, ხან დამლაგებლად. ყველაფერს აკეთებდა, რომ ჩვენ არაფერი მოგვკლებოდა და მე ჩემი მიზნისთვის მიმეღწია – მომღერალი გავმხდარიყავი.
ხანდახან მეც ვეხმარებოდი. მხოლოდ დედაჩემი არ იყო ასე, პოსტსაბჭოთა ქვეყნებიდან ძალიან ბევრი ქალის ბედი განვითარდა ასე“, – იხსენებდა თამთა ერთ-ერთ ინტერვიუში.
- სკანდალური შოუ
ათენში გამართულ კონცერტზე, სადაც თამთა ბერძენ მომღერალ პაოლასთან ერთად დუეტში მღეროდა, მომღერლებმა ერთმანეთს ტუჩებში აკოცეს, რითაც ბერძნები გააოცეს და დაუვიწყარი სკანდალური შოუ შექმნეს..
გთხოვთ მოიწონეთ და გააზიარეთ სტატია. ასევე გაგვიზიარეთ თქვენი აზრი კომენტარებში..
